如果真的拆晒所有包裝, 逐個路牌, 咪錶, 垃圾筒, 水龍頭玩下, 最得男女老少歡心一定係佢- 垃圾筒, 梗有一個喺左梗, 仲多過7-11， 肥肥地咁, 每次見到朋友拿上手都會話:"好好好得意呀"
我第一次揸住把尺同佢度腰圍才真正認識到什麼叫做48-48-48， 好多人行過都望住我, 我踎住同佢影相度高, 到今天望住佢的模型出世, 都叫似模似樣, 沒有失禮佢都好安慰
其實內筒, 《智明與春嬌》的煙蓋, 烏龍茶及蒸餾水樽都是忍不住手在中後期加的, 又好玩D, 又靚D, 又真D, 連樽的貼紙也因太太太小關係是用激光刀模切割出形的....多得Andy做的真不銹鋼煙灰蓋把精美的層次推到頂点😀
常有人話為什麼唔將煙灰蓋用膠水貼死, 我會解釋第一街上垃圾筒有D有蓋有D無, 第二用鉗屈一屈便可造成打開效果, 第三.....唔見左可能會買過, Wahahaha...😄
最後我想說只要懷住不怕失敗, 無畏別人抄襲的心態, 用心做好一件產品, 便可客人感受到產品平凡中的不平凡。
**津路是我最愛的樽裝飲品黎架^_^**
Search